FRAMTAK | BLOSSI

Framtak Blossi býður upp á heildarlausnir og sérhæfða þjónustu þegar kemur að viðgerðum á eldsneytiskerfum en á Dvergshöfða 27 í Reykjavík er starfsrækt eina sérhæfða dísilverkstæði landsins. Framtak Blossi annast innflutning og sölu á varahlutum og öðrum búnaði, ásamt viðgerðum á íhlutum í eldsneytiskerfi, túrbínum og fleiru. „Verkstæðið okkar er eina verkstæði sem sérhæfir sig í viðgerðum á olíuverkum og spíssum og til að standa undir því þarf það að vera mjög vel tækjum búið. Hér eru t.d. tveir stillibekkir fyrir olíuverk og tveir fyrir sérbyggðar eldsneytisdælur, þar af tveir tölvustýrðir bekkir af fullkomnustu gerð ásamt stillitækjum fyrir spíssa. Þetta gerir okkur kleift að þjónusta öll helstu eldsneytiskerfi véla sem notuð eru í dag en mest áhersla er samt lögð á þau merki sem við erum algengust í þessu í dag

Á Dverghöfða 27 rekur Framtak Blossi varahlutaverslun með áherslu á eldsneytiskerfi, túrbínur, auk sérpantana fyrir viðskiptavini. Reynt er að hafa á lager breytt úrval íhluta fyrir eldsneytiskerfi og túrbínur og ýmislegt fleira. „Fyrirtækið þjónustar fyrirtæki og verktaka alls staðar að af landinu og okkar menn hafa það sem mottó að bjarga bara málunum, sama hvert vandamálið er. Er mikið lagt upp úr stuttum viðgerðartíma en eins og allir rekstraraðilar vita er dýrt að láta tækin standa ónotuð í lengri tíma vegna bilana eða viðhalds.Við erum með umboð fyrir fjölmörg þekkt vörumerki og sjáum um viðgerðir á skipavélum, dælum, vökvakrönum, vökvaspilum, síubúnaði, loftpressum, ásþéttum, mælum o.s.frv. Verslunin okkar er með gott úrval íhluta á lager en einnig sérhæfð viðgerðarefni fyrir vélbúnað, efnavöru og annan búnað, efni og verkfæri til notkunar í iðnaði.“

Framtak Blossi er með umboð fyrir fjölmörg þekkt vörumerki. Þar ber helst að nefna varahluti í MaK skipavélar og Desmi dælur fyrir sjávarútveginn auk þess sem fyrirtækið hóf einnig nýverið að selja Desmi dælur fyrir landnotkun. „Af vinsælum vörum hjá okkur get ég nefnt MKG bryggjukrana sem finna má við flestar hafnir allt í kringum Ísland, Dinamic Oil vökvaspil, CJC síubúnað á flestar gerðir vökvakerfa af öllum stærðum og Sperre loftpressur. Þá erum við með pakkningar og plötur í flestar gerðir plötukæla frá WCR og höfum verið með umboð fyrir Volvo Penta bátavélar og rafstöðvar frá árinu 2015.